1569 г.
3000
двгђстть гривенъ сребра съ того мФ,ти, то все принявши самъ на
себе, Оги и потомки свое.
И по оказанью того листу, онравы веновное, домовялася Шмой-
ловая, абы се, водле того листу отъ мужа ей даного, было за-
ховано, а отъ тое жалобы Андреевы вольною учинено.
Андрей Золотарь пов'ђдилъ, ижъ опь того листу положоного,
яко читать, такъ и слухать не хочетъ, кгдыжъ дей первей того,
яко при шпарованью моемъ въ домъ, такъ и повторе, кгды се-
она арестованьемъ отъ поборцовъ долгу Господарскомъ закрыва-
ла, того листу веновного въ себе не менила, не показовала и
жадное зменки о немъ не чинила; а звлаща, ижъ тотъ листь ее
не водле права и статуту есть справеный, который за моцный ей
въ права принять быть неможетъ.
Шмойловая чинила отпоръ, ижъ естли же се дей первей того
листу своего на вряди не показовала и толькомъ арестомъ долгу
Господарскаго была се заслонила, тогды въ тотъ часъ жаднымъ
скуткомъ правнымъ съ тобою не мовила, а кдыжъ на тотъ часъ по-
борцы аресту листовъ за долгъ на мужу моемъ зо-
сталый и ни которыхъ листовъ, которые мепили, ку шкодей моей
на врядгв не показали, тогды я ку оборонФ, собе тотъ власный
опись мужа моего покладамъ; а ижъ менитъ, же не водле права
справленъ, теды въ насъ жидовь вшел:пйе отъ мужовъ оправы
веновные такъ справуютъ и таковымъ се обычаемъ заховываютъ
О чомъ ширей около того спорь межи собою мтзли.
И по прослуханью нашомъ тое всее справы ихъ, 06i стороне,
зволивши, просили абы тое ихъ зъ обу сторонъ въ права мовенье на
властный вырокъ его милости пана подканцлерого было отослано.
А такъ мы, тое жалобы и отпору обюхъ сторонъ выслухавши
и то все на письмгВ преложить росказавши, и за просбою об'ђюхъ
сторонъ, отложили то есмо его милости пана Подканцлерого, па-
на нашого милостивого. И по прйзханью его милости тутъ, до
Берестья, кром“ђ шабасу, суботный день вызволяючи, передъ его
милостью, паномъ, тымъ обТюмъ сторонамъ зложили естмо рокъ
шостого дня становитесе и декрету его милости прислухать.
Што все есть для намети до книгъ врядовыхъ замку Берей-
стеЈскаго записано.—Писанъ у Берестьи.